For nokre mus, så vert nettene i overkant lange.
Desse hadde nok hatt både ein og to julekveldar i ein noko uheldig posisjon.
All posts by Sinnes
RSS
RSS er kanskje den flottaste nyvinninga sidan hjulet. Det er navet i min digitale kvardag. Ei er ikkje av dei som sit og klikkar seg i frå avisside til avisside i ein evig runddans etter nyhende.
Likevel er det eit men.
Den siste tida har det nemleg slått meg at å ha «Google Leser (130)» framom auga kvar gong ein opnar nettlesaren gjerne kan ta ein del tid det og. Tid eg kunne ha nytta betre. Difor har eg i dag teke ei opprydding i RSS-kjeldene mine.
Eg har no redusert talet frå 174 til «berre» 140. Gjerne ikkje så mykje seier du? Eg vonar at noko av løysinga på den evige runddansen av RSS-kjelder, er at eg har fjerna nokre av dei tyngste. Dei som kom med dei hyppigaste oppdateringane. Dei har eg i staden lagd til som bokmerke, og kan sjekke frå tid til annan når eg ynskjer det. Ingen av dei var uansett noko eg trong automatiske oppdateringar frå.
Det som gjenstår, er ei heil rekkje personlege bloggar av folk eg kjenner eller folk eg tykkjer har fornuftige saker å koma med, samt nokre få andre med ein edrueleg publiseringsrytme.
Så då gjenstår kva effekt eit slikt grep vil ha. Blir det suksess kan det fort hende at neste steg vert å fasa ut Facebook.
Vedkløyving
At ved varmar fleire gonger før han kjem i ovnen er ei kjend sak. At det kan varma opp lattermusklane er gjerne meir ukjend, difor gjev eg dykk no litt fredagshumor:
Ei hyperventilerande jord
Godt nytt år
I det me stig inn i nok eit år der me snurrar hjelpelaust rundt i det store mørkret, kan eit sitat frå John Seymore vere på sin plass:
«It is no good waiting for political solutions. We must shape our own destiny» – John Seymore
Og med det, ynskjer eg alle eit hjartans godt 2011.
Vaksne og born som vener
Eg har tidlegare skrive litt om temaet lærarar og elevar som vener på Facebook. For ikkje mange dagane sidan dukka denne artikkelen opp på NRK sine nettsider.
No har Lisa Nielsen (The Innovative Teacher) nok ein gong kome med nokre edruelege tankar omkring læarars og elevars interaksjon på nettet. Ho tek fatt i ein bloggpost skriven av Ben Grey.
Der heiter det om sosiale media mellom anna at;
«The logic cited behind banning such mediums is most often due to the danger and risk of inappropriate interactions between teachers and students. If that’s the case, then there’s a whole lot more banning that we need to do. Because what about the times when students stay after school to get help from a teacher? Or what about the times when students call a teacher’s classroom phone for help? Or what if a teacher tutors a student? Or what if a teacher bumps into a student at the local mall?»
Les meir enn gjerne heile posten hans her; A little common sense.
God jul!
Digital kompetanse
Her er mi julegåve til deg som søker etter «https://dalstroka-innafor.net» i ein søkemotor for å finne fram til denne sida.
Visste du at om du skriv inn «dalstroka-innafor.net» i nettlesaren din si adresselinje, så kjem du rett til denne nettstaden? Kjekt å veta. God jul! 😉
Brukartips – Google Chrome + Google Calendar
Ei datamaskin skal helst vere eit effektivt verkty. Og det er nettopp i den samanheng at dette tipset kjem inn i biletet.
Er du brukar av nettlesaren Google Chrome, samstundes som du nyttar same selskaps (altså Google) kalendarprogram, då kan dette tipset gjere dagen din hakket meir effektiv.
I Google Chrome si adresselinje, eller «omni bar» som dei kallar det, har du moglegheiten til å skriva inn søkeord direkte. Dvs at du ikkje treng å skrive www.google.com, trykke enter og SÅ søke etter oppskrifta til dei sju kakeslaga du allereie er på solid etterskot med til jul.
Nei…du kan rett og slett skrive inn «7 kakeslag oppskrift», og så sender Google Chrome deg automagisk til søkeresultata. Men du kan og legge til andre søkemotorar slik som Telefonkatalogen, Youtube, Facebook, Kvasir, Dokpro, Ordnet….ja mest sagt kva det skulle vere!
Når eg skal søke etter noko på Youtube, skriv eg «y», trykker på tabulatortasten og skriv så inn det eg vil leite etter. Då kjem eg direkte til den videoen eg kanskje er på leit etter.
Her er eit eksempel på korleis du legg til andre nettlesarar, i dette tilfellet, Wikipedia:
Slik kan du altså nytta omni baren til å leggja til avtalar i kalendaren din…om du nå nyttar Google sitt alternativ.
Det du må gjere er å leggje inn følgjande linje der det i videoen over heiter «URL»: http://www.google.com/calendar/event?ctext=+%s+&action=TEMPLATE&pprop=HowCreated%3AQUICKADD
Eg nyttar «cal» som nøkkelord i omni baren, etterfølgd av tabulator-tasten. Deretter skriv eg inn data for møtet/avtalen, og vips ligg det eit nytt element i min kalender. Jf. biletkarusellen under…
Tipset er opprinneleg henta i frå nettstaden Lifehacker.com.
Kreativ språklæring
På bloggen til Lillegården kompetansesenter dukka det opp eit flott døme på korleis ein kan gjera noko kreativt ut av språktimane. Lån øyra dine til det hippe, kule og trendy talekvadet «Brotsmannsverk»: