Tagged in: linux

IKT, Personleg

A4-livets alfa og omega – felleskalenderen

No comments

iPhone, android, PC, mac, linux, Windows, Apple, padde…ein 7. sans? Einingane og flatene kan vera mange.

Som del av eit aktivt og travelt famelieliv («på landet»), er det å ha oversikt over avtalar eit viktig verkemiddel. I mange år har Google (for min del) vore det ein på godt norsk kallar «fasilitator» for denne tenesta. Kalenderen.

Det har vore utfordrande å finna noko godt alternativ synest eg, sjølv om eg har leita. Men no. No trur eg at eg har det! (Eureka!)

Eg har ein gamal berbar (du kan jo nytta kva som helst, men berbar har «innebygd» UPS ;). Denne køyrer linux-varianten Yunohost. Med denne kan eg på ein enkel måte setta opp ulike tenester. Til dømes er det eg aktivt nyttar no for tide (det endrar seg jo), Nextcloud, Navidrome, Jellyfin, FreshRSS.…og Baikal. Baikal har tøddlar over i`en, men…not the point.

Med Baikal har eg sett opp tre kalenderkontoar. Ein privat til meg, ein privat til min fru, og ein der me delar brukarnamn. Dette er ei nødløysing, fordi eg ikkje fann ein enkel måte å legge til andre brukarar til ein kalender. Eg prøvde med Davis, ei løysing som er inspirert av Baikal også. Den kunne dela brukarar på kalender, men då var det noko anna eg ikkje fekk til å fungera utan at eg tek att kva akkurat det var i farten, så eg la vekk den.

Så det er på tenarsida. Der kalenderen er lagra.

Så skal jo dette brukast, og det er då klientar kjem inn i biletet.

På pc/datamaskina (eg køyrer jo linux, og har gjort det i årevis. Prøv!) er det ein no-brainer. Eg nyttar Thunderbird. Her er det såre enkelt å legga til begge kalendarane (min og felles).

På telefonen (android) er det eit ekstra steg. Eg har kalenderen på heimeskjermen som ein modul. Slik har eg alltid oversikt. Men det får eg kun til ved å nytta ein applikasjon som heiter DAVx5. Denne lasta eg ned via F-droid. Det er ingen støtte for det som heiter DAV som standard på android-telefonar.

Og slik har eg omsider klart å få oversikt. Oversikt over kva avtalar kona legg…for meg. 😉

IKT, Sirdal

Vegmeldingar i dalstroka innafor

No comments

Sit du og har eit terminalvindu du ikkje heilt veit kva du skal fylle med? Kva med trafikkmeldingar frå Vegvesenet?

#!/usr/bin/env bash

URL="https://traffic-info.atlas.vegvesen.no/traffic-information/messages"
clear
curl -s -H "X-System-ID: vvtraf" "$URL" |
jq -r '
  .features[].properties
  | select(
    (
      (.descriptionOfLocation // ""| contains("Fv. 450"))
      or
      (.descriptionOfLocation // "" | contains("Fv. 4224"))
      )
      and
      (
        (.descriptionOfLocation | contains("Rogaland"))
        or
        (.descriptionOfLocation | contains("Agder"))
      )
    )
  | "Stad: \(.descriptionOfLocation)\nMelding: \(.descriptionOfTrafficMessage)\n"
'
IKT

Opne data og linux

No comments

Joda. Det finst app. Det finst nettside og. Men yr.no i tekstformat, det er og veldig hendig.

Kvar gong eg loggar meg på ei maskin via SSH, eller kvar gong eg startar eit terminalvindu, så får eg opp

siste oppdaterte verdata frå yr.no. Korleis? Eit lite shell-skript;

#!/bin/bash

# URL for the weather data (replace this with the actual URL where you are fetching the data from)
API_OBSERVASJONAR="https://www.yr.no/api/v0/locations/5-42940/observations/day"
API_GJELDANDE="https://www.yr.no/api/v0/locations/5-42940/forecast/currenthour"

# Fetch the data using wget
wget -q -O weather_data.json "$API_OBSERVASJONAR"
wget -q -O currenthour.json "$API_GJELDANDE"

# Check if wget was successful
if [ $? -ne 0 ]; then
    echo "Failed to fetch data"
    exit 1
fi

# Parse the JSON and extract the 'max_temp' value using jq
max_temp=$(jq '.historical.summary.temperature.max.value' weather_data.json)
min_temp=$(jq '.historical.summary.temperature.min.value' weather_data.json)
precipitation=$(jq '.historical.summary.precipitation.total.value' weather_data.json)
wind=$(jq '.historical.summary.wind.maxWind.value' weather_data.json)
windGust=$(jq '.historical.summary.wind.maxGust.value' weather_data.json)
current_temp=$(jq '.temperature.value' currenthour.json)
feelslike_temp=$(jq '.temperature.feelsLike' currenthour.json)

# Check if jq successfully extracted the value
if [ $? -ne 0 ]; then
    echo "Failed to parse JSON"
    exit 1
fi

# Output the result
clear
echo "MÅLEDATA FOR SINNES MÅLESTASJON, METEROLOGISK INSTITUTT"
echo
echo "Gjeldande temperatur: $current_temp°"
echo "Temperatur kjennest som: $feelslike_temp°"
echo
echo "Makstemp siste 24 timer: $max_temp°"
echo "Minimumstemp siste 24 timer: $min_temp°"
echo
echo "Nedbør siste 24 timar: $precipitation mm"
echo
echo "Vind siste døgn: $wind m/s (maks vindkast: $windGust m/s)"
echo

# Clean up by removing the downloaded JSON file
rm weather_data.json
rm currenthour.json
IKT

Radio og bash

No comments

Nettstaden https://lyd.nrk.no er ein juvel for slike som meg som ikkje er så fan av at NRK koplar alt av innhald inn i ein himespøta applikasjon. Ikkje kan slike applikasjonar nyttast i Linux heller. Så då må ein inn på nettsida til NRK.

Eg (og min ven ChatGPT) knota difor til eit lite bash-script som hentar ut data frå nettsida, og lagar hyperlenker direkte til lydstraumane.

#!/bin/bash

# Hent data frå URL
URL="https://lyd.nrk.no"

# Data vert lagra i fila
OUTPUT_FILE="radiostraumar_nrk.html"

# Hent innhald frå URL
curl -s $URL | \
# Fjern uønska HTML frå kjelda
grep -v '</h3></td><td>' | \
# Sniff liner som startar med "Mount Point /" og reinsk dei
grep -oP '(?<=Mount Point /)[^"]+' | \
# Fjern alle førekomstar av "</h3></td><td" frå henta tekst
sed 's#</h3></td><td##g' | \
# Legg til opprenska del til URL-adressa og formater det som hyperlenker
awk -v base="$URL" '{print "<a href=\""base"/"$1"\">"base"/"$1"</a><br>"}' > $OUTPUT_FILE

# Tilbakemelding til brukar
echo "Radiostraumar frå NRK lagra i fila $OUTPUT_FILE"

Lagrar du dette i ei fil og køyrer henne, får du altså ei html-fil med hyperlenker direkte til alle lydstraumane til NRK.

Desse lenkene kan eg legga inn i Navidrome, der eg og har alt av min eigen musikk samla. Dette kan då alle i husstanden lytta til på sine einingar. Mi eiga lydsky rett og slett..

Arbeid, IKT, Politikk, Utdanning

Har folk eigentlig peiling?

3 Comments

Det er vel ikkje å ta hardt i å seie at folk flest no nyttar ei datamaskin i kvardagen. I starten av 2008 hadde 73% av hushaldningane i Noreg Internettilgang i følgje tal i frå Statistisk Sentralbyrå.

I arbeidsdagen min er eg nøyd til å forhalda meg til maskinar med Windows som operativsystem. Desse er sentralt drifta i frå kommunehuset, og ein har i realiteten lite høve til å gjera endringar på maskinane. Dei siste i rekkja som no skodar mot det som heiter open source eller på norsk: open kjeldekode, er dei Canadiske styresmaktene.

Her på berget satsar no Solhjell på å ruste lærarane med ei ekstra innsprøyting som skal gå til etterutdanning av lærarar så dei (forhåpentligvis) kan halde seg oppdatert på kva som skjer på det som det Kjell Antvort & co ved Høgskulen i Volda har no har omdefinert (nok ein gong?) som digital kompetanse i læring. (Tidlegare kjend som: IKT i læring. Kjært barn, mange namn osb…)

Kompetanse eller ei, eg trur ikkje ein kjem nokon stad med å pøse på med pengar til etterutdanning så lenge ein endar opp i situasjonar som denne.

Ein skule vert drifta frå kommunehuset. Maskinane på huset er låst ned slik at lærarane ikkje kan installereprogram på dei. Utstyr som skal på nettverket må vera førehandsgodkjent av IKT drift i kommunen. Gratis/utrangerte datamaskinar frå snille/rike/private selskap vert mao ein utopi. Lærarane har alle dokumenta liggjande på felles lagrinsstad. Lagrinsstaden held fysisk til på kommunehuset. Kva gjer då dei arme lærarane når nettverket ikkje oppfører seg slik det skal i det dei skal laga til neste vekes arbeidsplan? Nettverket blånektar sjølvsagt å montere opp stasjonen der alle dokummenta dine ligg. Resultatet er at det byggjer seg opp stor irritasjon over databruken, og ynskjet om å ta i bruk IKT i den daglige undervisninga kan vel ikkje akkurat seiast å auka!

Vel…inspirasjonen til denne vesle utblåsinga kom etter å ha sett ein video der ein blindtestar brukarar i Sydney. Dei vert presentert for det «nye» operativsystemet til Microsoft…nemleg Windows 7.  Det testpersonane ikkje veit, er at det dei ser på er det gratis tilgjengelege (litt feilaktig kalla) operativsystemet Linux. Videoen stadfestar vel ein del av dei ideane eg går og ber på når det kjem til menigmann si kjennskap til IKT.