Ben Falk driv firmaet “Whole Systems Design” i staten Vermont i USA. Dei klimatiske tilhøva er ikkje heilt ulike slik dei er her i Noreg… I filmsnutten under fortel han litt om korleis ein med enkle middel kan gjera seg litt meir berekraftig, eller regenerativ.
Tagged in: permakultur
Permakultur designkurs
Festdag i heijen
Det kvapp i meg i dag etter min daglege røyndomssjekk i “heijen”. Etter først å ha fundert litt på kva det enorme talet med skrukketroll der ute ville ha å seie for grøda, og vurdert kva slag som har skrukketroll på menyen, kikka eg i toppen av epletreet mitt. Og der, der sat årets fyrste marihøne og klukka lågt for seg sjølv. Midt inne i mellom blomar, blad og maur i vakker sameksistens gleda ho eit permakulturhjarta utan sjølv å ha den fjernaste aning om kva ho gjorde for meg, hagen og epletreet mitt.
På toppen av dette, meiner eg på at eg såg dei fyrste spirene av årets eigne sjølvplanta jordeple. Og så jordbera då….jordbera!
Rakettforsking
Det finst mykje teknologi som ikkje er merka Samsung, Apple, BMW eller Google. Lågteknologi er det kjent som, direkte omsett i frå utanlandsk. Men er det mindre verdt fordi om det ikkje er høgteknologi? “Kunnskapsnasjonen” Noreg burde driva forskning på slikt.
Det er spanande saker, og etter programmet “Nasjonal vedkveld” som gjekk på NRK for ei stund attende, tipsa eg Lars Mytting, forfattar av boka “Hel ved” om det som på engelsk heiter “rocket stove mass heater”. Etter det eg minnest, uten å ha sjekka korrespondansen for 2013, meiner eg at han tykte det gjerne var ein type teknologi som ikkje heilt passa inn i heimane som ein finn i alle desse glosserte magasina.
Han har nok eit poeng. Men det ville vore artig å ha testa ut konseptet i Noreg. Sjå føre deg gratis varmtvatn på ein støl langt til heis utan at du treng å koka opp vatnet i ein halvtime! Og kva med straumforbruket? Varmtvatnet kunne verte kopla til ledningar i golvet for raskt, og heilt gratis gje varme der. Å! For ein draum.
Med andre ord…treng du arbeidskraft til eit prosjekt for å varme opp drivhuset, er eg gjerne med!
Sepp Holzer
Nordisk Permakulturfestival 2013
I februar fekk eg ei strålande bursdagsgåve av min betre halvdel. Tur til Nordisk Permakulturfestival 2013 i Hurdal rett nord for Gardermoen.
Det vart ei strålande helg med mange flotte opplevingar, og møte med mange gode menneske.
Her er nokre glimt frå hendinga:
Ben Falk – TedX talk
Ben Falk, eigar av selskapet Whole Systems Design, snakkar om vegen fram mot der han er i dag. Stikkord for talen er malplassert, einsidig matproduksjon, forstadsutbyggjing med nullproduksjon men maksimal konsumpsjon og berekraft:
Hugelkultur – ein introduksjon
Hagestart
20 dagare etter at me overtok nytt hus, er starten på min fyrste urbane hugelkultur på plass. Naboen gjekk laus på hekken sin, og eg tykte det var for galt at kommunen skulle få posane med organisk materiale når eg like gjerne kunne ta dei. Ein nabo som vil ha hekkekapp…jo, det er sikkert ikkje heilt normalt. Men kva er vel normalt no til dags?
Etterkvart har eg sikta meg ut nokre tre borti vegen med ein heil haug med blad. Må berre slå til før kommunen sine ivrige arbeidarar gjer jobben.
Har ei daud gran i hagen og. Med litt flaks, kan eg saga ho ned og få henne til å lande midt i hugelkulturen.
I tillegg skulle eg hatt tak på litt jord/kompost og gjerne også litt halm. Har du ein gamal halmballe liggjande, tek eg gjerne i mot.
