I juli la eg ut eit fotoalbum eg har digitalisert. Det mangla litt informasjon om personar og stader.
I samband med dette, sendte eg e-post til dei næraste musea i området. Eg fekk napp frå Vest-Agder-museet(?).
E-posten var vidareformidla til Torfinn Norman Hageland, forfattar av mellom anna “Hellerboka“.
Han var enig med meg at fyrste biletet var Sirdalsvatnet.
![Sirdalsvatnet](https://dalstroka-innafor.net/wp-content/uploads/2022/07/bilete0020-1024x671.jpg)
Vidare er dette biletet frå Kvinen.
![Kvinen](https://dalstroka-innafor.net/wp-content/uploads/2022/07/bilete0023-1024x493.jpg)
Så tek oldefarr oss, og følgjet sitt med vidare forbi (vil eg tru) Josephsbu. I alle fall all den tid Hageland meiner at dette bilete er frå Vardehei.
![Vardeih](https://dalstroka-innafor.net/wp-content/uploads/2022/07/bilete0024-1024x637.jpg)
Til sist kan gode Hageland informera om at bileta med to etasjar og fjos må vera ved Pytten i Bygland kommune.
![Pytten](https://dalstroka-innafor.net/wp-content/uploads/2022/07/bilete0027-1024x625.jpg)
![Pytten](https://dalstroka-innafor.net/wp-content/uploads/2022/07/bilete0026-1024x627.jpg)
Hjarteleg tusen takk til fagekspertisen ved Vestagdermuseet, og ikkje minst Tormod Hageland som kunne hjelpa med dette.
Så då gjenstår det berre å finna ut kven denne ekspedisjonsleiaren kan vera. Kva skulle dei til Pytten for mon tru?
![](https://dalstroka-innafor.net/wp-content/uploads/2022/07/bilete0019-351x1024.jpg)
Det skulle vel då aldri vera keisar Wilhelm 2 på snartur i Sirdalsheine? Han ville i alle fall ikkje ha vore siste tyskar på tur…
![](https://graenseforeningen.dk/sites/graenseforeningen.dk/files/styles/article_width_680/public/albums/tyske_personer/Kejser_Wilhelm_2.jpg?itok=htP_RJId)
Ei reiseskildring frå Sirdal kan også lesast på Nasjonalbiblioteket sine nettsider.